2014ko urriaren 27ko klase teoriko eta praktikoa:

Saio teorikoan, klasekideek aurkezpenak egiten jarraitu dute eta aurkezpenak egiteko aurretik erabili ez ditudan programak erabili dituzte, POWTOON eta EMAZE hain zuzen. Aplikazio hauek oso baliagarriak iruditu zaizkit eskolan irakase bezala noizean behin azalpenak emateko. Eskola 2.0a aurrera eramateko aukera ona iruditzen zait baliabide hauek ezagutzea eta erabiltzen ikastea.

Saio praktikoan, berriz ere elkartu gara taldeka baina taldean ez geneukanez beste zereginik, sites-eko informazioa ondo antolatzen jarraitu eta ondoren, bakoitzak bere banakako blog-a egiten jarraitu dugu. Irakaseleak esan digu blog-a berarekin partekatu behar dugula bere e-mailera URLa bidaliz. 

2014ko urriaren 21a, klase praktikoa:

Saio honetan bideo bat ikusi dugu eta herrialde desberdinetan IKTei buruz egindako proiektua azaltzen du: herrialde azpigaratuetan, erronka konplexuak planteatzen dizkie ordenagailuen bidez eta hezkuntza jazo ez arren, hauei aurre egiteko kapaz dira. Zergatik? ordenagailu hauetan, umeak taldeka daudelako eta ez bakarrik. Zalantza edo arazoren bat izan ezkero, berdinen arteko ikaskuntza ematen da elkarri laguntzen dietelako.

           

Oso interesgarria iruditu zait bideo hau eta hau ikusi ostean, zera ondorioztatu dut, irakaslea ikaskuntza-prozesuaren gidari dela eta ikasleak berriz, garrantzi osoa dutenak. Nire iritziz, ikasle guztiak dira ikasteko gai, orientazio eta laguntza baino ez zaie falta. 

2014ko urriaren 20a, klase teorikoa eta praktikoa :

Gaurko teoria saioan, talde batzuek aurkezpenak egiten jarraitu dute dokumentatzaileek informazioa pilatzen zuten bitartean. 

Praktika saioan, ikaskide batek POWTOON aplikazioa erakutsi dit, aurkezpen originalak egiteko aproposa iruditu zaidana. Atzo komunikazioko mintegian, hizkuntza modu digitalean lantzeko baliabide digital erabiltzen eta sortzen irakatsi digu: HOT POTATOES. Nik uste dut irakasterakoan oso baliagarri egingo zaizkidala. 

                                       

2014ko urriaren 13a, klase praktikoa:

Gure lana aurrera eramateko asmoz, irakasleak baliabide digital askori buruz jakinarazi digu, informazioa jasotzeko, partekatzeko... hainbat  baliabide azaldu dizkigu: Slide Share, ISSUU, Scoop it eta Delicious. Slide Share da ezagutzen nuen bakarra baina ez dut inoiz erabili. beraz, gaurko klasea baliagarria izan zait gauza berriak ikasteko. Taldeka Scoop it bat eratzen ari gara, bertan bideo, artikulu eta bestelakoak erantsiz, betiere teknologia inguruko gaiak izanik.

Irakasleak klaseko dinamika aldatzea erabaki du; horretarako, klase osoa bildu gara bileran eta teknologiaren eta IKT ikasgaiaren inguruan aritu gara hizketan. Nahi zuenak bere iritzia partekatu zezakeen klasearen aurrean eta arazo edota zalantzarik izanez gero, denon artean konpontzen saiatzea izan da helburua. 

Egia esan, ez dugu orain arte horrelako klaserik eduki; hau da, irakasleek ez digute ikasgaiari buruz zer pentsatzen genuen adierazteko aukerarik eman. Baina baliagarria izan zaidala esan behar dut, askotan ez direlako ikasleen zalantzak entzuten eta irakasle izango garenean, umeekin horrelako tutoretzak edukitzea oso garrantzitsua da nire ustez, haien sentimenduak ezagutzeko aukerarik onena delako.  

                                    

2014ko urriaren 13a, aurkezpena:

Gaur 5 taldek aurkeztu dugu taldeko lana. Prezi baten bitartez oinarritu gara lan aurkezpena egiterako momentuan. Modu originalago batean eta entretenigarriagoa izateko asmoz, musikaz baliatu gara, preziaren bitartez jarri duguna. Sarrera honetako "Prezi" enlazean klikatuz gero, prezian sortutako klaseko aurkezpena ikusiko duzu.



                 

Egia esan, taldekide guztiok oso lasai egon gara aurkezpenean, baliteke musikaren presentzia izan dugulako eta nahiko ondo egin dugula esango nuke. Gainera, klasekideen arreta handiagoa izan dela uste dugu musika jarri dugulako. Halaber, aurkezpenaren ondorioak eta prozesua, taldeko sites-ean partekatu dugu. 

1. Irakurgaia

"IKTak, hezkuntza eraberritzeko aitzakia" testua irakurri ondoren, hona hemen landutakoa:

Hitz gakoak:

- Informazioa

- Natibo digitalak

- Prestakuntza eza

- Alfabetatze

- Errealitatea

2 galdera:

1. Ezagutza eta informazioaren gizartean bizi gara baina horrek esan nahi al du ezagutza eta informazio gehiago dugula?

2. Zer aldarrikatzen digu IKTak hezkuntzan?

Sintesia

Harrigarria da zenbaterainoko garrantzia duen IKTak hezkuntzan. Izan ere, ikasleen aktibotasunean, talde lanetan, motibazioan eta errealitatearekiko loturetan eragin zuzena du. Egun, ikasleek etengabe erabiltzen dute teknologia eskolatik at, natibo digitalak direlako eta eskoletan teknolgia berrien inguruan duten ezagutza kontuan hartuz, motibagarriagoa izango litzateke ikasketa-prozesua haientzat. Gainera, etorkizunean arazoei aurre egiteko aukera emango die. 

Irakasleak ordea, ez dute askotan prestakuntza eta baliabide nahikorik eta beraz, alfabetatze digitala beharrezkoa izango litzateke, ikasleen errealitatearekin bat egiteko. Azken finean, pertsonaren garapenerako IKTen erabilera funtsezkoa da bai eskoln bai kanpoan, garrantzia baitu errealitatearekin lotzea eta bat egitea ikaskuntza-prozesua aberasgarria izateko. 

Taldean lanean...

Lan honen aurkezpena egiteko, irakasleak EDU GLOGSTER bat egitea proposatu zigun baina harpidetzeko ordaindu egin behar zela konuratu gara eta horregatik PREZI bat egitea otu zaigu, lehendik erabiltzen genekielako eta aurkezpenak egiteko originalagoa delako ppt bat baino.

Taldean lanean...

Taldeka "ezagutzaren eta informazioaren gizartea"-ri buruzko testu bat irakurri, 5 hitz gako bilatu eta sintesi edo laburpen bat egitea tokatu zaigu. Lana taldeko sites-ean txertatu dugu eta bisitatu dezakezu: teknol@ngile@k deitzen da gure sites-a eta bertan, lana, bere prozesua eta ondorioak erantsi ditugu. Lana hobeto burutzeko, antolatu egin gara; niri testu bat irakurtzea egokitu zait eta ondoko hauek izan dira testua irakurri ostean ateratako apunteak:

           

 Horrez gain beste bi testu irakurri ditut, gaiari buruz zerbait gehiago jakiteko asmoz; testuetako bat "Más información, menos conocimiento" izan da eta bestea, "Sociedad de la información> sociedad del conocimiento?" 

2014ko urriaren 31, klase praktikoa:

Gaur ere saio honetan taldeka bildu gara Google Sites-ean lan egiteko asmoz. Hasieran, sites-a egiteko plantilla ezegokia aukeratu dugu, oso zaila baita ulertzeko eta berehala aldatu dugu. Irakasleak adierazi digu, klaseko talde bakoitzak lan desberdina bete behar duela eta helburua, denok denetatik ikastea dela. Guri, beste saio batean aipatu zigun bezala, TEKNOGRAFIA bat egitea tokatu zaigu taldekide bakoitzari; beste batzuei DOKUMENTATZAILE lana eta beste hainbat rol (egelan erantsita digu). Oraindik ez daukat teknografia egiteko ideia zehatzik baina apurka-apurka ideiak hartzen joan behar naiz azkeneko momenturako ez uzteko. Itxura ona ari da hartzen momentuz : )

2014ko urriaren 30a, klase praktikoa:

Gaur taldean sortu behar dugun Google sites-ean lan egiteari ekin diogu. Beraz, taldeka bildu eta sites-a ordenatzen jardun dugu. Baina, ezustean harrapatu gaitu su simulakroak! Alarma martxan jarri da eta dena zegoen lekuan utzi ondoren, eraikinetik kanpora joan gara segituan. 10 bat minutu eman ditugu eta ondoren lanera bueltatu gara. 

Bakarkako blogari dagokionez, oraindik ez dut gehiegi trasteatu eta zail egiten zait. Baina itxaropena dut azkenean kontrolatzen ikasiko dudala : ) 

2014ko urriaren 30a, klase teorikoa:

Saio honetan, Madrileko Unibertsitatek María Acaso irakasle eta ikertzailearen bideo bat ikusi dugu, "Visiones disruptivas de la educación" hain zuzen. Honek, hezkuntza artistikoaren inguruan zehazki metodologia berritzaileak ikertzen ditu. eta bere ustez, hezkuntza-sistema nahiko zaharkituta dago.  Bideo honen bitartez, hezkuntza-sistema zaharberritzeko irakasleek 5 ezaugarri izan behar dituzte kontuan:

                          


Bideo honen bitartez, hezkuntza-sistema zaharberritzeko irakasleek 5 ezaugarri izan behar dituzte kontuan:

1- Autoritatea: sistema autoritario alde batera utzi behar da sistema demokratiko bati bidea zabalduz.

2- Ikusezina: irakasle bezala, nolakoak garen ezagutzea den nolakoa den gure diskurtsoa.

3- Espazioa/denbora: espazioari dagokionez, gelak modifikatu beharko genituzke, hormak pertsonalizatuz, janaria eta musika erabiltzea gela barruan. Denborari dagokionez, teknologia berriak (facebook, twitter, skype... ) eta liburuak erabiltzea.

4-Informazioa: errealitatea klasearekin lotzea ikasleei interesatzen zaiena kontuan hartuz: ikus-kulturarekin zerikusia duen guztia, musika eta arte garaikidea landu (bideo-artea, performance, argazkilaritza...)

5-Ezagutza: ikaslearen rola aldatzea harrera-sistema batetik produkzio sistema batera. Horretarako, proiektuei buruzko hezkuntzari eman behar zaio bidea.

2014ko urriaren 24a, klase praktikoa

Klase praktikoetan blog pertsonalean lan egiteko denbora ematen digu irakasleak. Edozein zalantza edo galdera izanez gero, klasekideen artean konpontzen saiatzen gara edo bestela irakasleari eskatzen diogu laguntza. 

Pixkanaka pixkana bloga erabiltzen ikasten ari naiz, beraz itxaropen gehiago daukat bloga erabiltzerako momentuan : ) 

Taldeka sites bat eraiki behar dugula azaldu digu irakasleak; sites horretan, saio praktikoan bidaltzen dizkigun lanak txertatuko ditugu. Klaseko talde bakoitzak rol ezberdina izango du helburua elkarelikatze bat izanik, hau da, talde bakoitzak beste talde batzuekin haien lana elkarbanatu edo konpartituko dute ondoren ebaluatuz. Gure taldean, bakoitzak teknografia bat egin behar du, hau da, guretzat zer den irakasle identitatean garrantzitsua. Beraz, apurka-apurka ideiak hartzen joango gara gure bideoa egiteko. Teknografia bat zer den eta nola egin ikasteko, "Kilikatik"-en dauden teknografiez baliatu gara.

2014ko urriaren 16 eta 17a klase praktikoak: 

Saio hauetan irakasleak blogak egiten jarraitzeko esan daigu. Horretarako, irakasleak sortutako "Kilikatik" blogean beste urte batzuetan ikasleek taldeka egindako blogak ikusten aritu gara. Irakasleak nahiko galduta geundela ikusita, orientatu egin gaitu eta bakoitzaren galderei erantzun die. 

Halaber, oraindik ere nahiko galduta sentitzen naiz, ez dudalako bolga trasteatzeko denbora asko izan. Beraz, lanaren ekin beharko diot aurrerantzean!